5 ოქტომბერი, მასწავლებლის საერთაშორისო დღე
საათები: 15:45 - 15:45
5 ოქტომბერი მასწავლებლის საერთაშორისო დღეა! ყველა პედაგოგს კიდევ ერთხელ გილოცავთ ამ დღეს! 2019 წლის 5 ოქტომბერს, კოალიცია "განათლება ყველასათვის" და მასწავლებელთა პროფესიული განვითარების ეროვნული ცენტრის ერთობლივი ძალებით, მესამედ ჩატარდა მასწავლებლის ეროვნული ჯილდო. მოგეხსენებათ, სკოლა-ლიცეუმ "პრომეთეს" გეოგრაფიის პედაგოგი ქალბატონი ქეთინო მერებაშვილი, მასწავლებლის ეროვნული ჯილდოს 5 ფინალისტს შორის მოხვდა. საზეიმო ვითარებაში გამოვლინდა მასწავლებლის ეროვნული ჯილდოს მფლობელი - ჯილდო ერგო მარნეულის N2 საჯარო სკოლის ქართული ენისა და ლიტერატურის პედაგოგ, ბატონ გიორგი ჭაუჭიძეს. ვულოცავთ გიორგი ჭაუჭიძეს გამარჯვებას! წინსვლას და წარმატებას ვუსურვებთ პედაგოგიურ საქმიანობაში!
სკოლა-ლიცეუმი "პრომეთე" ერთ-ერთი პირველი იყო, რომელმაც სურვილი გამოთქვა მასწავლებლის ეროვნული ჯილდოს ფინალისტები დაეჯილდოვებინა. ხუთივე ფინალისტს გადაეცათ პრომეთეს საჩუქრები, ხოლო ქალბატონ თამარ ადამიას კი სპეციალური პრიზი, რომელიც სკოლამ გამორჩეულად მისთვის დააწესა! კიდევ ერთხელ ვულოცავთ ყველა პედაგოგს და განსაკუთრებით გამარჯვებულს! სრულიად საქართველოს კი ვუსურვებთ, რაც შეიძლება მეტ მოტივირებულ და ღირსეულ პედაგოგს!
