III კლასის მოსწავლეთათვის საზაფხულო სკოლა მათემატიკაში
სკოლა-ლიცეუმ ,,პრომეთეში’’ დაწყებითი საფეხურის კათედრა მესამე კლასის მოსწავლეთათვის აწყობს საზაფხულო სკოლას მათემატიკაში აკადემიური მიღწევების გასაუმჯობესებლად.
საზაფხულო სკოლის მიზანია:
- მოსწავლეებმა გაიღრმაონ ცოდნა მათემატიკაში;
- დახვეწონ და განავითარონ ლოგიკური აზროვნება;
- უფრო მომზადებული შეხვდნენ და შეძლებისდაგვარად დაძლიონ მეოთხე კლასის მათემატიკის საკმაოდ გართულებული საპროგრამო მასალა.
საზაფხულო სკოლას უხელმძღვანელებს დაწყებითი საფეხურის კათედრის ხელმძღვანელი- ირმა ბაკურაძე
მეცადინეობა ჩატარდება ყოველდღე, შაბათ-კვირის გარდა, 12 საათზე 2 საათის განმავლობაში.
საზაფხულო სკოლა გაიხსნება 19 ივნისს და გაგრძელდება 23 ივნისამდე.
საზაფხულო სკოლის სამუშაო პროგრამა 2016-2017 სასწ.წ.
ძირითადი კომპეტენციები და უნარები:
- გამრავლება-გაყოფის მოქმედებების შესრულების, მათი შეკრება-გამოკლების მოქმედებებთან და ერთმანეთთან დაკავშირების უნარი
- რიცხვითი გამოსახულების შემცველი ტოლობის შედგენისა და პრობლემის გადასაჭრელად მისი გამოყენების უნარი;
- გამოთვლებთან, თვლასთან და შეფასებებთან დაკავშირებული პრობლემების გადაწყვეტის უნარი;
- მოცემული მიმდევრობის მსგავსი მიმდევრობის შედგენისა და მიმდევრობების შედარების უნარი.
- საგანთა და ფიგურათა წრფივი ზომებისა და ობიექტთა შორის მანძილების მოძებნის უნარი.