გოდერძი ჩოხელის მუზეუმის გახსნა
19 ოქტომბერი განსაკუთრებულად მნიშვნელოვან დღედ დარჩება ჩვენი ქვეყნის ისტორიაში. ამ დღეს სოფელ ჩოხში გოდერძი ჩოხელის მუზეუმი გაიხსნა.
მუზეუმს მომავალში კულტურულ-განმანათლებელი ცენტრის ფუნქციაც ექნება, რაც ჩოხელის შემოქმედების მოყვარულთათვის სასიხარულო ამბავია!
გახსნას ესწრებოდნენ მთავრობის წარმომადგენლები, რეჟისორები,მსახიობები, მწერლები,ოჯახის წევრები,მეგობრები და ავტორის შემოქმედების მოყვარული ადამიანები.
მუზეუმის გახსნაში დიდი წვლილი მიუძღვის დუშეთის,თიანეთის,მცხეთისა და ყაზბეგის მუნიციპალიტეტების სახელმწიფო რწმუნებულს ბატონ შალვა კერესელიძეს Shalva Kereselidze • შალვა კერესელიძე , რისთვისაც დიდი მადლობა გვინდა გადავუხადოთ მას მთელი ჩვენი სკოლის სახელით!
გახსნის ბოლოს, სკოლა-ლიცეუმმა პრომეთემ გოდერძი ჩოხელისადმი მიძღვნილი ჟურნალი "მიტოვებული სახლები", ქალბატონ ნინოს, მწერლის მეუღლეს გადასცა. ჟურნალში თავმოყრილია სკოლის მოსწავლეების ნაშრომები,ესეები და მათ მიერ გადაღებული ფოტოები. "მიტოვებული სახლები" ჩვენი ქვეყნის დემოგრაფიულ და მიგრაციულ პრობლემებს ეხება.
ჟურნალის პრეზენტაცია 16 ნოემბერს შედგება.
კიდევ ერთხელ ვულოცავთ ამ დღეს ყველას,ვისაც გოდერძი ჩოხელის შემოქმედება და პიროვნება უყვარს!